Los moriscos golf og hotel impressive playa granada

Þetta fallega golfsvæði er staðsett um það bil 1,5 tíma frá flugvellinum í Almería og í næsta nágrenni við Sierra Nevada skíðasvæðið í Granada.

Hér væri tilvalið að leigja bílaleigubíl í nokkra daga og fara á skíði fyrir hádegi og svo í golf eftir hádegi fyrir þá sem hafa gaman af því að skella sér á skíði.

Einnig er upplagt að heimsækja Motril sem er stærsta borgin á Costa Tropical ströndinni. Skoða menninguna, kíkja í verslanir og enda á góðum veitingastað. Motril er í innan við 15 mín akstursfjarlægð.

Flogið er í beinu leiguflugi með Icelandair til Almería og er óhætt að segja að hér sé um virkilega góðan valkost að ræða á einstöku verði.

  • Beint leiguflug með Icelandair
  • 90 mínútna fjarlægð frá flugvellinum
  • Skemmtilegur 18 holu golfvöllur sem hentar vel til að ganga fyrir þá sem kjósa það.
  • Stutt inní Motril, 7,5 km
  • Mjög góð 4ra stjörnu gisting við ströndina

Impressive playa granada

Mjög gott 4 stjörnu hótel

Hótelið er staðsett á ströndinni umlukið golfvellinum. Herbergin er rúmgóð og vel búin og öll með „walk in“ sturtu sem hentar mörgum mun betur en ef sturtan er í baðkarinu. Þau eru öll með góðum svölum eða veröndum.

Hótelgarðurinn er mjög stór og nær niður að baðströndinni og því auðvelt að finna sér aðstöðu ef fólk vill slaka á í góðu næði. Sundlaug með sólarbekkjum og sólhlífar fyrir þá sem vilja hvíla sig á sólinni. Á hótelinu er nokkuð stór bíó/leikhússalur þar sem er skemmtidagskrá öll/flest kvöld ársins. Einnig er stór heilsulind með öllu sem tilheyrir og fullkominn líkamsræktarsalur.

Innifalið í verði ferða er morgun- og kvöldverður ásamt drykkjum með kvöldverð. Einnig er í boði fyrir aðeins 12 evrur á dag að velja allt innifalið og þá bætist við hádegisverður og snakk matseðill á bilinu 11:30 – 18:30 og úrval innlenndra drykkja á bilinu 10:00 – 24:00

Það er okkar álit að hér sé um afskaplega góðan valkost að ræða þegar kemur að góðri golfferð. Aslappað andrúmsloftið og staðsetningin er einstök en bestu meðmælin eru þó hugsanlega þau að tveir af fararstjórum okkar sögðu einfaldlega „pant vera hérna“ við fyrstu skoðun.

  • Innifalið í öllum ferðum er morgun- og kvöldverður og drykkir með kvöldverð
  • Einnig er í boði að breyta í allt innifalið fyrir aukalega aðeins 12 evrur á dag.
Heimasíða Impressive Play Granada

Herbergi og aðstaða:

Smelltu á myndirnar til að skoða þær stærri.

Los moriscos golfvöllurinn

Los Moriscos Club de Golf.

Los Moriscos er 18 holu völlur, par 70 og er tæplega 5.100 metrar af gulum teigum og tæplega 4.700 af rauðum. Fjölbreittar brautir og þrátt fyrir að vera ekki mjög langur, sem reyndar hentar meðal kylfingnum bara betur, þá er hann skemmtileg áskorun.

Völlurinn hentar vel til að ganga en fyrir þá sem vilja þá er hægt að leigja golfbíl.

Klúbbhúsið er rétt um 700 metra, 5-10 mín rölt, frá hótelinu. Staðsett í flæðarmálinu með einstöku útsýni yfir hafið þegar setið á veitingastaðnum og mælum við með því að allir prófi sjávarréttina þeirra.

Það er ekki amalegt útsýnið á Los Moriscos með hafið á aðra hönd og snævi þakta tinda Sierra Nevada fjallanna á hina.

Fyrir þá sem velja að ganga golfið þá hentar Los Moriscos Golf mjög vel til þess.  Hægt er að leigja 3hjóla handkerrur en jafnframt er hægt að leigja golfbíl fyrir þá sem það kjósa.

Æfingasvæðið á Los Moriscos er í smá fjarlægð frá klúbbhúsinu, ef kylfingar vilja hita upp á æfingasvæðinu þá er hentugast að ná sér fyrst í golfbíl til að skjótast á milli eða semja við fararstjóra um skutl.

Heimasíða Los Moriscos Golf

Golfvöllurinn og klúbbhúsið:

Smelltu á myndirnar til að skoða þær stærri.

Verðlisti

Vor 2022

DAGSETNINGFLUG ÚTFLUG HEIMFÆÐITVÍBÝLIEINBÝLIBÓKA
29.03 - 08.0409:00/15:4016:40/19:35Mv. og kvöldv. m/drykkjum
242.900 kr.279.900 kr.
BÓKA NÚNA
10 nætur / 9 golfd.IcelandairIcelandairAllt innifalið.259.900 kr.299.900 kr.BÓKA NÚNA
08.04 - 18.04
09:00/15:4016:40/19:35Mv. og kvöldv. m/drykkjum252.900 kr.
289.900 kr.
BÓKA NÚNA
10 nætur / 9 golfd.IcelandairIcelandairAllt innifalið.269.900 kr.309.900 kr.BÓKA NÚNA
18.04 - 27.0409:00/15:4016:40/19:35Mv. og kvöldv. m/drykkjum226.900 kr.259.900 kr.BÓKA NÚNA
9 nætur / 8 golfd.IcelandairIcelandairAllt innifalið.242.900 kr.276.900 kr.BÓKA NÚNA
27.04 - 08.0509:00/15:4016:40/19:35Mv. og kvöldv. m/drykkjum259.900 kr.299.900 kr.BÓKA NÚNA
11 nætur / 10 golfd.IcelandairIcelandairAllt innifalið.279.900 kr.319.900 kr.BÓKA NÚNA
Innifalið í verði ferðar
  • Beint flug til og frá Almería með Icelandair. 
  • Flugvallarskattar.
  • Íslensk fararstjórn.
  • Farangur: handfarangur, ferðataska og golfsett.
  • Gisting með morgunverði og kvöldverði og drykkir með kvöldmat (vatn, vín, gos, bjór).
  • Einnig er val um að hafa allt innifalið. (Morgunmatur, hádegismatur, kvöldmatur, snack service s.s. salat, hamborgarar, samlokur, pylsur á milli 11:30 og 18:30, úrval drykkja s.s. bjór, vín, koktelar, gin, romm, viský og fl. frá 10:00 til 24:00).
  • Matur og drykkir eru innifaldir á hótelinu, ekki í klúbbhúsinu.
  • Akstur milli flugvallar og hótels.
  • Ótakmarkað golf. ATH ekki hægt að panta seinni hring fyrirfram.
  • Handkerra kostar 4 evrur, rafmagnskerra 10 evrur og golfbíll 25 evrur per 18 holur.
  • Golf á komudegi er ekki innifalið nema það sé sérstaklega tekið fram.
  • Ath. Ekki er mögulegt að innrita sig í flugið á vefnum þar sem um leiguflug er að ræða. Fyrir sætapantanir í almenn sæti og betri sæti er hægt að hafa samband við golfskálann í síma 578-0120 eða senda póst á travel(at)golfskalinn.is.
    Verð í betri sæti 14.900 kr., sæti við neyðarútgang 3.500 kr. og almennt sæti kr. 1.450 kr., hver leggur. Betri sæti eru fremst í vélinni og aðeins tvö sæti í röð (Business Class – ath. þó að ekki er um „Business Class“ þjónustu að ræða).
  • Ekki er hægt að nýta vildarpunkta Icelandair í þessar ferðir þar sem um er að ræða leiguflug með Icelandair.
Spil á öðrum völlum

Ef það er áhugi á að fara og leika aðra velli þá er best að ræða það við fararstjóra sem aðstoðar við að finna rástíma.

Næstu vellir eru Granada Golf, Anoreta Golf og Almerimar.