Gott 4 stjörnu hótel.

Barceló Cabo de Gata er 4ra stjörnu strandhótel staðsett við Playa del Retamar ströndina í Almería. Herbergin eru rúmgóð og búin þessum helstu þægindum sem við þekkjum á 4ra stjörnu hótelum. Baðherbergin með bæði baðkari og sér sturtu.  Á hótelinu er stór sundlaugargarður með 4 sundlaugum og góð heilsulind sem farþegar Golfskálans hafa aðgang að gegn vægu gjaldi.

ATH. Ferðina 30.09 – 10.10 2023 er gist á Cabo de Gata Jardin hótelinu sem er gott 4* hótel við hliðina á Barceló hótelinu

Hotel en Almería Cabogata Jardín | Hotel de sol y playa en El Toyo, Almería (cabogatajardin.com)

Innifalið í öllum ferðum er morgun- og kvöldverður. Hótelið er staðsett í um 10-15 mín rölti frá klúbbhúsinu á Retamar ströndinni sem er rólegt hverfi í úthverfi Almería borgarinnar

Alborán golfvöllurinn.

Alborán völlurinn er alvöru keppnisvöllur, par 72 og 6.278 metrar af öftustu teigum, rétt tæplega 6.000 metrar af gulum og 5.371 af rauðum. Þrátt fyrir að vera byggður á flatlendi þá er heilmikið landslag í vellinum en þó ekki þannig að hann sé ekki góður til að ganga. Það eru aðeins 2 vötn á vellinum en þau koma þó við sögu á 5 brautum.

Á vellinum er gott æfingasvæði, slegið af grasi og æfingaflatir fyrir stutta spilið. Kúbbhúsið lætur ekki mikið yfir sér en 2-3 tapas og drykkur með að loknum góðum golfhring svíkur engan. Klúbbhúsið er í um 10-12 mín göngufjarlægð frá hótelinu og hægt er að geyma golfsettið þar á meðan á dvöl stendur.

Sumarið 2023 verður hafist við að byggja stórglæsilegt klúbbhús og eru verklok áætluð fyrir lok árs 2024. Þrátt fyrir að okkur hafi líkað ljómandi vel við aðstöðuna eins og hún er núna þá er ljóst að nýja klúbbhúsið kemur til með að vera breyting til batnaðar og hlakkar okkur til að sjá útkomuna.

Fyrir þá sem velja að ganga golfið þá hentar Alborán Golf mjög vel til þess. Engar stórar brekkur er að fara þrátt fyrir að það sé töluvert landslag í vellinum. Innifalið í verði ferða eru 3hjóla handkerrur en jafnframt er hægt að kanna með að leigja golfbíl fyrir þá sem það kjósa.