La Finca Golf

Hótel La Finca ★★★★★

La Finca er virkilega flott golfsvæði með 18 holu golfvelli og 5 stjörnu hóteli staðsettu við völlinn. Golfvöllurinn er hannaður af Pepe Gancedo og var opnaður 2002.

La Finca er staðsett í um 40 mínútna akstursfjarlægð frá flugvellinum í Alicante og þegar þangað er komið þarftu ekki að fara neitt annað. Hótelið með 120 rúmgóðum herbergjum, 33m², veitingastöðum, tyrknesku baði, nuddpottum og öllu sem til þarf til að gestum líði vel.

Á hótelinu eru samtals 120 herbergi. Herbergin eru mjög rúmgóð, 33m², búin öllum helstu þægindum s.s. þráðlausri internettengingu, hitastýringu, flatsjónvarpi, öryggishólfi, sófa, skrifborðsaðstöðu og öll með góðum svölum.

Á hótelinu er heilsulind þar sem hægt er að slaka á eftir golfið.

Innifalið í öllum ferðum er morgunverður. Hádegisverð er hægt að snæða í klúbbhúsinu.

La Finca golfvöllurinn — 18 holur

Þessi völlur er með breiðum brautum og fallegum flötum. Sannarlega einn besti golfvöllur Spánar að mati margra og er völlurinn vinsæll hjá mörgum Íslendingum. Mjög gott æfingasvæði.

Flatirnar á La Finca eru gjörólíkar hver annarri, mismunandi lögun, sumar þeirra eru þekktar fyrir sína lögun s.s. 7. holan sem er ferningslaga og á holu 14 er flötin kringlótt og djúp, sem minnir á lögun kínverskrar wok pönnu.

La Finca golfvöllurinn hefur verið vettvangur nokkurra virtra móta frá opnun hans, svo sem: Evrópumeistaramót unglinga, spænska unglingameistaramótið og úrslitakeppni Audi Class og Audi Quattro fyrir áhugakylfinga.

Golfbíll er innifalinn með golfinu á La Finca.