La Finca

+7 myndir

La Finca: 18 holur eftir Pepe Gancedo

Pepe Gancedo hannaði völlinn sem opnaði árið 2002. Breiðar brautir og flatir af ólíkri lögun gera hann fjölbreyttan. Ferhyrnda flötin á sjöundu holu og djúpa, hringlaga flötin á fjórtándu eru meðal sérkenna vallarins.

La Finca hefur hýst Evrópumeistaramót unglinga og ýmis önnur mót. Gott æfingasvæði er við völlinn. Í ferðapakkanum fylgja 18 holur á dag, utan ferðadaga. Golfbíll er ekki innifalinn. Aukaumferðir þarf að kanna og greiða sérstaklega eftir samkomulagi.

+4 myndir

Hótel La Finca 5 stjörnu

La Finca er við 18 holu golfvöll, um 40 mínútna akstur frá Alicante-flugvelli. Hótelið hefur 120 herbergi, veitingastaði, heilsulind, tyrkneskt bað og heita potta.

Herbergin eru um 33 m² með svölum, loftstýringu, þráðlausu neti, sjónvarpi, öryggishólfi, sófa og skrifborðsaðstöðu. Morgunverður fylgir ferðinni. Hádegisverð má kaupa í klúbbhúsinu.

+6 myndir

Heilsulind, sundlaug og veitingar

Útisundlaugin í garðinum við hótelið er með sólbekkjum og sólskýlum. Heilsulindin býður innilaug, tyrkneskt bað og heita potta, ásamt nuddi og meðferðum gegn gjaldi, og líkamsræktarsalur er á hótelinu.

Morgunverður er innifalinn. Á hótelinu og í klúbbhúsinu eru veitingastaðir og barir, þar á meðal Frijolino með ítölskum og mexíkóskum réttum, og veröndin við klúbbhúsið snýr að vellinum. Hádegisverð má kaupa í klúbbhúsinu.

Golf á Alicante-svæðinu

Ef þú vilt prófa fleiri velli getur ferðateymi Golfskálans aðstoðað við að kanna rástíma. Golf á öðrum völlum er greitt sérstaklega. Allur akstur er á eigin vegum.