PXG Sugar Daddy 3 (Sérpöntun)

PXG Sugar Daddy III (fullu nafni 0311 Sugar Daddy III) eru fleygjárn fyrir kylfinga sem vilja nákvæmni og stjórn á spuna í stutta spilinu, við allar aðstæður. Þau eru smíðuð þrisvar (3X Forged) úr mjúku 8620 kolefnisstáli og fræst að öllu leyti í CNC vél. Við sérpöntum fleygjárnin í loftum frá 50° til 60°, með þremur sólum, S-Grind, BP-Grind og C-Grind, og með stál- eða grafítskafti.

Helstu kostir

• Þrír sólar. S-Grind, BP-Grind og C-Grind fyrir ólíkar sveiflur og ólíkt undirlag.
• Smíðuð þrisvar. Þéttara stál lengir líf rákanna og bætir tilfinninguna.
• Fræst að öllu leyti. CNC fræsing skilar hverri línu og hverju horni nákvæmlega eins.
• Stjórn á spuna. Breiðar rákir grípa boltann betur, bæði í þurru og bleytu.
• Þyngd stillt í mælingu. Lóð aftan á hausnum er stillt í 2 gramma þrepum.

Helstu upplýsingar

Smíðuð þrisvar og fræst að öllu leyti

Hvert fleygjárn er smíðað þrisvar úr mjúku 8620 kolefnisstáli. Við það verður kornabygging stálsins þéttari, sem styrkir það, lengir líf rákanna og bætir bæði tilfinningu og útlit. Síðan er hausinn fræstur að öllu leyti í CNC vél, svo hver lína, hver sveigja og hvert horn verður nákvæmlega eins og það á að vera. Þú færð því eins fleygjárn í dag og þegar þú endurnýjar þau síðar.

Breiðar rákir og Full Face Grooves

Sugar Daddy III er með breiðum rákum sem gefa meiri stjórn á flugi og spuna. Að sögn PXG nær brún rákanna 0,002 tommum dýpra inn í skel boltans og rúmmál þeirra er um 25% meira en í mjórri rákum keppinauta. Dýpra grip eykur núninginn og spunann í þurru, og breiðari rákir ryðja vatni og óhreinindum betur frá svo spuninn haldist í bleytu. Í BP-Grind ná rákirnar yfir allan höggflötinn (Full Face Grooves), sem stækkar höggsvæðið og hjálpar í höggum sem lenda nær tánni.

Precision Weighting Technology: þyngd stillt í mælingu

Aftan á hausnum, nálægt þyngdarpunktinum, er stórt lóð sem má stilla í 2 gramma þrepum í mælingu. Þannig geturðu prófað mismunandi þyngd á hausnum og fundið þá sem hentar þér best. Ekki er ætlast til að lóðinu sé breytt eftir að kylfan er keypt.

Meira um fleygjárnin

• Grip: PXG ICON Black

  Staðalgripið er PXG ICON Black. Það er með rásamynstri í sex áttir sem kemur í veg fyrir að gripið renni í höndunum, hvort sem átakið er niður eftir gripinu eða í snúningi. PXG segir það endingargott og henta kylfingum með meðalstórar hendur.

Sjáðu Sugar Daddy III fleygjárnin hjá PXG

Mike Nicolette, sem stýrir rannsóknum og þróun hjá PXG, segir frá rákunum í Sugar Daddy III í um tveggja og hálfrar mínútu myndbandi. Myndbandið er á ensku.

Fleygjárnin sem eru í boði

Þetta eru staðalmál frá PXG. Lega er 64° á öllum fleygjárnunum og öll fást bæði fyrir rétthenta og örvhenta. PXG býður þau í tveimur áferðum, Chrome og Black.

Hvaða grind hentar þér?

Lýsingarnar eru frá PXG.

Sköft

Þetta eru sköftin sem PXG velur sjálfgefið fyrir hvert efni og hvern stífleika. Í sérpöntun eru fleiri sköft í boði, sum gegn aukagjaldi.

Í boði í sérpöntun hjá okkur

Mæling og sérpöntun

Fleygjárnin frá PXG eru sérpöntuð fyrir þig, bæði fyrir rétthentar og örvhentar kylfur. Í sérpöntun er hægt að laga lengd, skaft og grip að þér. Hafðu samband við okkur eða bókaðu mælingu í Golfskálanum og við finnum uppsetninguna sem hentar þér.

Fleiri kylfur frá PXG

Driver, brautartré og hybrid úr Lightning línunni frá PXG.