PXG Lightning Driver

PXG Lightning er driver fyrir kylfinga sem vilja meiri boltahraða og meiri fyrirgefningu af teig. Allir hausarnir eru með Frequency Tuned Face, höggflöt sem er stilltur til að skila sem mestri orku í boltann, og með útskiptanlegum lóðum sem laga boltaflugið að sveiflunni þinni. Við sérpöntum driverinn í fjórum gerðum, Lightning Max 10K+, Lightning Tour Mid, Lightning Tour og Lightning Max Lite, í loftum frá 8° til 12° og með skafti í Soft Regular, Regular, Stiff eða X-Stiff.

Helstu kostir

• Meiri boltahraði. Frequency Tuned Face skilar meiri orku í boltann.
• Meiri fyrirgefning. Meira koltrefjaefni í hausnum hækkar MOI og eykur stöðugleikann.
• Flug sem er lagað að þér. Útskiptanleg lóð stilla flug, spuna og stefnu.
• Fjórir hausar. Frá Max 10K+, sem fyrirgefur mest, til Tour, sem gefur minnstan spuna.

Helstu upplýsingar

Frequency Tuned Face: höggflötur stilltur fyrir hraða

Höggflöturinn er hannaður til að titra í takt við augnablikið þegar boltinn þjappast saman á honum. Þannig skilar hann meiri orku í boltann og boltahraðinn eykst. Höggin nýtast betur, teighöggin lengjast og hljóðið er það sem PXG er þekkt fyrir.

Spined Sole Design og meira koltrefjaefni

Styrktur hryggur eftir sólanum (Spined Sole) stífar botn haussins og dempar óæskilegan titring, svo meiri orka skilar sér í boltann. Krónan og sólinn eru úr þunnu koltrefjaefni og í Lightning er allt að 84% meira koltrefjaefni en í eldri driverum PXG. Þannig má staðsetja þyngdina nákvæmar, sem hækkar MOI og eykur stöðugleika og fyrirgefningu í öllum fjórum hausunum.

Precision Weighting Technology: lóð sem laga flugið að þér

Í hverjum Lightning driver eru útskiptanleg lóð, frá 2,5 g upp í 20 g, sem má víxla og skipta út til að stilla flug, spuna og stefnu. Lóð við tána ýtir undir fade og dregur úr húkki, lóð við hælinn ýtir undir draw og auðveldar þér að loka höggfletinum, og lóð aftast hækkar MOI og gefur hærra flug og meiri fyrirgefningu. Þannig má breyta fluginu í mælingu án þess að breyta lofti eða legu. Lightning Max Lite er með eitt lóð, aftast á hausnum.

Meira um driverinn

• Fjórir hausar: hver hentar þér?

  Lightning Max 10K+ fyrirgefur mest. Hausinn er stór og stöðugur, með samanlagt MOI yfir 10.000 g·cm², og hentar þeim sem vilja bein og jöfn högg með háu flugi. Lightning Tour Mid liggur á milli Tour og Max 10K+: aðeins stærri haus en Tour, miðlungs flug og stöðugur spuni, fyrir keppniskylfinga sem vilja bæði stjórn og fyrirgefningu. Lightning Tour er nettastur, með djúpan höggflöt, lítinn spuna og lágt flug, fyrir kylfinga með mikinn sveifluhraða sem vilja móta höggin sín. Lightning Max Lite er með léttari haus, 189 g í stað 203 g, fyrir þá sem sveifla hægar og vilja meiri hraða og hærra flug án þess að sveifla fastar.

• Grip: PXG ICON Black

  Staðalgripið er PXG ICON Black. Það er með rásamynstri í sex áttir sem kemur í veg fyrir að gripið renni í höndunum, hvort sem átakið er niður eftir gripinu eða í snúningi. PXG segir það endingargott og henta kylfingum með meðalstórar hendur.

Sjáðu Lightning driverinn hjá PXG

Verkfræðingar PXG fara yfir hönnun og tækni Lightning driversins í þriggja mínútna myndbandi. Myndbandið er á ensku.

Hausarnir fjórir

Matið er frá PXG og ber gerðirnar saman innbyrðis.

Tæknilýsing

Þetta eru staðalmál frá PXG. Allir hausarnir eru 460 cc og stöðluð lengd er 45,5 tommur. Þar sem stendur Rétthent framleiðir PXG það loft aðeins fyrir rétthenta.

Sköft

Þetta eru sköftin sem PXG velur sjálfgefið fyrir hvern stífleika. Senior er heiti PXG á stífleikanum næst fyrir neðan Regular. Í sérpöntun eru fleiri sköft í boði, sum gegn aukagjaldi.

Í boði í sérpöntun hjá okkur

Mæling og sérpöntun

Driverinn frá PXG er sérpantaður fyrir þig, bæði fyrir rétthentar og örvhentar kylfur. Örvhentur fæst Lightning Tour Mid þó aðeins í 9° og 10,5° og Lightning Tour aðeins í 9°. Í sérpöntun er hægt að laga lengd, skaft og grip að þér. Hafðu samband við okkur eða bókaðu mælingu í Golfskálanum og við finnum uppsetninguna sem hentar þér.

Fleiri kylfur frá PXG

Brautartré og hybrid úr Lightning línunni og Sugar Daddy III fleygjárnin.