Ping S259 kvenna Fleygjárn

Ping s259 fleygjárnin gefa mikinn spuna og góða stjórn í stuttu höggunum, með útliti, tilfinningu og hljóði sem atvinnukylfingar kjósa. Kvennaútgáfan er með léttu grafítskafti sem gerir auðveldara að ná hraða og hæð. Fáanleg í 50°, 56° og 60°.

Helstu kostir

• Meiri spuni. Fræstar rákir og hrjúf áferð á höggfleti gefa stjórn á flugi og spuna af öllum vegalengdum.
• Mjúk tilfinning. Haus úr 8620 kolefnisstáli með stærra elastómer innleggi í bakinu.
• Hreint útlit. Beinni frambrún og rák sem nær alveg niður að sóla auðvelda þér að stilla kylfunni rétt upp.
• Grind sem hentar þér. S grind fyrir fjölbreyttar aðstæður og W grind fyrir mesta fyrirgefningu.
• Létt grafítskaft. PING ALTA CB Blue skilar hraða og háu boltaflugi án áreynslu.

Spuni og stjórn af öllum vegalengdum

Rákirnar eru fræstar af nákvæmni og höggflöturinn er blásinn til að auka núning milli kylfu og bolta. Saman gefur þetta stöðugt flug og spuna sem stoppar boltann á flötinni, hvort sem höggið er fullt eða stutt vipp.

Lögun og tilfinning sem atvinnukylfingar kjósa

Hausinn er úr mjúku 8620 kolefnisstáli og lögunin rammar boltann vel inn í uppstillingu. Beinni frambrún skilar betri árangri í fullum höggum og stærra elastómer innlegg í bakinu dempar höggið. Áferðin er Hydropearl 2.0 króm.

Hvaða grind hentar þér?

Grind er lögun sólans og ræður því hvernig kylfan fer í gegnum gras og sand.

S grind (50° og 56°). Hentar flestum kylfingum og flestum aðstæðum. Nægt bounce í miðjum sólanum fyrir full högg, og slípun við hæl og afturbrún gefur fjölhæfni í kringum flatirnar.

W grind (60°). Breiðasti sólinn og mesta fyrirgefningin í gegnum grasið. Góður kostur ef þú kemur bratt niður á boltann og vilt meiri hjálp í stuttu höggunum.

Fleygjárnin sem eru í boði

Þetta eru staðalmál frá Ping og geta vikið lítillega í framleiðslu. Lega miðast við svartan litakóða Ping í staðallengd.

Skaft og grip

Gripið er Ping Dyla-Grip. Það er lengra en hefðbundið grip og með merkingum sem hjálpa þér að grípa neðar, halla skaftinu og opna höggflötinn.

Sjáðu s259 í höndum atvinnukylfinga Ping

Leikmenn í Team PING prófa s259 fleygjárnin í fyrsta sinn. Myndbandið er á ensku.

Mæling og sérpöntun

Við eigum fleygjárnin oft á lager í staðaluppsetningu. Viljir þú annað skaft, aðra lengd, legu eða grip sérpöntum við þau frá Ping. Hafðu samband við okkur eða bókaðu mælingu í Golfskálanum og við finnum loft og grind sem passa við hinar kylfurnar þínar.

Fleiri loft og grind

Í s259 línunni með stálskafti eru fleiri loft í boði.