Heilsuferð til Kanarí – Maspalomas

Með Unni Pálmarsdóttur í samstarfi við Golfskálann

Ferðin er 13. – 20. október 2026 til Kanarí – Maspalomas

Heilsurækt huga, líkama og sálar til Kanarí er endurnærandi heilsu- og lífstílsnámskeið og upplifun þar sem Unnur Pálmarsdóttir stýrir fjölbreyttri dagskrá sem inniheldur skemmtilegar og fjölbreyttar æfingar og fyrirlestra sem endurhlaða líkama, vellíðan og sál.

Við förum morgungöngur meðfram ströndinni, Fusion Pilates, Fitness Yoga, dönsum og njótum. Einnig verður styrktarþjálfun í tækjasal, teygjur og fleira. Unnur verður með fyrirlestra sem fjalla um bætta lýðheilsu, markmiðasetningu, uppbyggingu sálar og huga. Í ferðinni er lögð áhersla á að njóta líðandi stundar, núllstilla hugann, minnka streituna og lifa í núinu.

Tilgangur er einnig að fræðast um bætt lífsgæði og stunda heilsurækt og líkamsrækt undir berum himni. Ávinningur starfsmanna er endurmenntun á sviðið starfsþróunar, heilsuræktar, fræðslu og hvernig er hægt að minnka streitu í lífi og starfi. Unnið er með hvernig hægt er byggja upp líkama og sál án streitu og andlegs álags og bæta samskipti á vinnustað. Ferðin er upplögð fyrir þá sem hafa lent í kulnun á vinnustað og eru að vinna sig frá streitu, núllstilla sig. Fyrirlestrar eru fræðandi og fjalla um bætta heilsu og vellíðan til að auka fræðslu og skilning á efninu.

Ferðin er fyrir alla aldurshópa, heilsuræktarunnendur og einnig þá sem hafa greinst með slit- og vöðvagigt og fleira.

Fjöldi stéttarfélaga veita styrki til félagsmanna sinna fyrir námskeiðum og fræðslu eða endurmenntun. Kynntu þér þín réttindi, kannaðu styrkveitingar sem þitt stéttarfélag veitir og athugaðu hvort það sé fyrir þessa ferð. Sendu á unnur@fusion.is til að fá fylgiskjöl til að sækja um styrk

8 daga ferð
Flug með Icelandair
Akstur til og frá flugvelli
Bull Vital Suites & Spa Boutique Hotel 4★
Morgunverður
Dagskrá með Unni Pálmarsdóttur
Aðgangur að glæsilegri Spa Heilsulind
Aðgangur að líkamsræktarstöð
Fyrirlestrar
Yogatímar
Jógadýnur eru í boði fyrir alla

Einbýli með morgunverði: 329.900 ISK

Tvíbýli með morgunverði: 289.900 ISK

Þríbýli með morgunverði: 269.900 ISK

Bóka ferð

Unnur Pálmarsdóttir
einn reyndasti hóptímakennari og þjálfari landsins

Hún hefur kennt hóptíma og þjálfað landsmenn í yfir 32 ár. Hún er með MBA gráðu frá H.Í., diplómanámi í mannauðsstjórnun og M.Sc. gráða í mannauðsstjórnun.

Í ferðinni er lögð áhersla á að njóta lífsins, stunda heilsurækt undir berum himni, Pilates, Yoga, gönguferðir, dans, fyrirlestrar, skoðunarferðir um eyjuna fögur og sameiginlegt borðhald í lok ferðarinnar.

Unnið er með hvernig hægt er byggja upp líkama og sál án streitu og andlegs álags. Allir eru velkomnir í þessa ferð. Þú getur komið með hvort sem þú hefur prófað Pilates, Yoga, dans eða stundað heilsurækt og hreyfingu. Ferðin er einnig upplögð fyrir þá sem hafa lent í kulnun á vinnustað og eru að vinna sig frá streitu og hlaða batteríin í lífinu.

Einkunnarorð Unnar eru gleði, hamingja og við eigum aðeins einn líkama. Því er mikilvægt að huga vel að líkama og sál.

BULL VITAL SUITES & Spa Boutique Hotel – Adult only

Bull Vital Suites & Spa Boutique Hotel er góður kostur á frábærum stað á ensku ströndinni. Útsýni er yfir golfvöllinn í Maspalomas. Einnig er fallegt útsýni yfir sandöldurnar og vitann. Stór innisundlaug og heilsulind. Nokkurra mínútna gangur er að Yumbo-verslunarmiðstöðinni og korter niður á strönd.

Í hótelinu eru 56 herbergi, sem skiptast í junior svítur, tvíbýli deluxe sem eru ýmist með útsýni yfir garðinn, golfvöllinn eða bæði. Innréttingar eru nútímalegar og stílhreinar. Flísar eru á gólfum. Alls staðar er loftkæling, smábar, sími, sjónvarp, öryggishólf og þráðlaus nettenging. Á baðherbergjum er hárþurrka, baðsloppar og baðvörur. Inn á Junior svítum er einnig lítil eldhúsaðstaða þar sem má finna örbylgjuofn, lítinn vask og kæliskáp.

Morgunverður er borinn fram á veitingastaðnum Panorama í sundlaugargarðinum, með útsýni yfir Maspalomas-golfvöllinn og sandöldurnar. Í hótelgarðinum eru 2 sundlaugar og góð sólbaðsaðstaða.

Það sem gerir þetta þægilega hótel enn betra en ella er heilsulindin sem er af bestu gerð. Innilaugin er 500 fermetrar með 34°C saltvatni, nuddtúðum og fossum. Boðið er upp á gufuböð og þurrgufu, leirböð, ilmolíugufuböð og nudd-, líkams- og snyrtimeðferðir af öllum gerðum gegn aukagjaldi. Þar er einnig líkamsræktaraðstaða. Hægt er að panta einkaþjálfara, sjúkraþjálfara og sjúkranuddara.Tvisar á dag er hægt að fara í Pílates. Móttakan er opin allan sólarhringinn og þar er þvotta-, þurrhreinsi- og strauþjónusta, farangursgeymsla og hjólaleiga.

Bull Vital Suites henta öllum þeim sem vilja næra líkama og sál, á rólegu svæði, með golfvöllinn á aðra hönd og Ensku ströndina á hina.

Herbergi og aðstaða:

DAGSKRÁ

Þriðjudagur, 13. október 2026

Flogið með Icelandair FI 588 – Brottför frá Keflavík klukkan 10:00

Áætluð lending á Las Palmas klukkan 16:20. Fararstjóri ferðast með hópnum út til Kanarí.

Akstur frá flugvelli í Las Palmas að hótelinu Bull Vital Suits and Spa.

17:30 – 18:30 Unnur Pálmarsdóttir fararstjóri verður með kynningarfund og fer yfir dagskrá vikunnar í hótelgarðinum á Bull Vital Suits and Spa.

Birt með fyrirvara um breytingar

Miðvikudagur, 14. október 2026

07:30 – 10:30 Morgunverður

08:30 – 09:30 Fusion Pilates morgunæfing og hugleiðsla

11:00 – 12:00 Fyrirlestur „Heilsurækt huga, líkama og sálar“

12:00 – 13:30 Gönguferð og svæðið skoðað. Unnur fer með hópinn í góða göngu um Ensku ströndina og niður að Dunas sandöldunum.

17:30 – 18:30 Styrktarþjálfun í tækjasal – TABATA stöðvaþjálfun

Fimmtudagur, 15. október 2026

07:30 – 10:30 Morgunverður

08:30 – 09:30 Fusion Pilates morgunæfing og hugleiðsla

10:30 – 11:30 Morgunganga niður að Faro Vitanum að ströndinni á Maspalomas

11:30 – 12:30 Yoga og núvitund á Maspalomas ströndinni.

12:30 -14:00 Hádegisverður á góðum veitingastað á Meloneras.

Frjáls tími það sem eftir er dags, tilvalið að njóta sólarinnar

Föstudagur 16. október 2026

Sigling í Puerto De Mogán með Yellow Boat og markaðurinn heimsóttur.

08:45 – 16:00 Við byrjum daginn á að vera sótt á hótelið kl. 08:45 og ferðinni er heitið til Puerto De Mogán. Við byrjum á því að skoða fræga markaðinn sem liggur meðfram þorpinu niður að höfninni. Þart taka á móti okur hjónin Marta og Ruben og við förum í dásamlega siglingu með Yellow Boat. Skoðunarferðin kostar aðeins 60 Evrur.

Innifalið er akstur fram og tilbaka, léttir drykkir, tapas réttir og sigling. Hægt er að fá lánað snorkl græjur. Við siglum með ekta kanarískum bát, Yellow Boat sem er þekktur og vinsæll. Í bátnum eru mjög góð sæti og borð fyrir alla. Siglt er meðfram ströndinni að sveitaþorpinu Tasarte. Á leiðinni sjáum við klettabelti með litskrúðugum jarðlögum. Þaðan er snúið við og siglt að El Perchel víkinni sem er aðeins hægt að komast að frá sjó. Þar er hægt að fara í sjóinn, snorkla fyrir þá sem vilja, en sjórinn er einstaklega tær á þessu svæði. Við víkina eru bornar fram léttar veitingar, drykkir eru í boði alla ferðina. Skráning og upplýsingar hjá fararstjóra í ferðinni.

Laugardagur 17. október, 2026

07:30 – 10:30 Morgunverður

08:30 – 9:30 Fusion Pilates morgunæfing og hugleiðsla

11:00 – 12:00 Fyrirlestur ,,Sjálfstraust & sigurvissa“

12:00 – 13:00 Stöðvaþjálfun í tækjasal og teygjur

19:00 – 20:00 Kvöldganga að Dunas Maspalomas sandöldunum þar sem við horfum á sólina setjast. Upplifun sem er yndisleg og engin má missa af.

Sunnudagur 18. október 2026

07:30 – 10:30 Morgunverður

Frjáls dagur. Upplagt er að skella sér til höfuðborgarinnar Las Palmas, Firgas, Amadores eða Puerto Rico.

Það er gaman að skoða eyjuna fögru. Upplýsingar um eyjuna veitir fararstjóri.

Mánudagur 19. október, 2026

07:30 – 10:30 Morgunverður

08:30 – 09:30 Fusion Pilates morgunæfing og hugleiðsla

11:00 – 12:00 Fyrirlestur ,,Lífsgæði, næring og núvitund“

12:00 – 13:00 Styrktarþjálfun í tækjasal og góðar teygjur

13:00 – 13:30 Létt ganga niður að sandöldunum Dunas

18:30 – 21:30 Lokakvöldverður á vel völdum veitingastað nánari upplýsingar veitir fararstjóri

Þriðjudagur 20. október, 2026

Heimferð með Icelandair FI 589 frá Las Palmas brottför er klukkan 17:20 og lending í Keflavík klukkan 21:50

07:30 – 10:30 Morgunverður

08:30 – 09:30. Fusion Pilates morgunæfing fyrir flugið

Brottför frá hóteli og út á flugvöll, nánari tímasetning síðar hjá fararstjóra

Playa Del Ingles

Þekktasti áfangastaðurinn á Kanarí er án efa Playa del Ingles eða „enska ströndin“. Líflega Playa del Ingles hefur upp á svo margt að bjóða, fallega strönd, huggulega veitingastaði og úrval verslana. Fyrir þá skemmtanaþyrstu er af nægu að taka í næturlífinu, hvort sem það er töff næturklúbbar, lifandi tónlist eða kabarett, þú finnur það á Playa del Ingles. Hvort sem þú vilt dvelja í Kasbah hverfinu eða nær Yumbo verslunarmiðstöðinni þá eigum við gistingu fyrir þig.

Meloneras

Sjarmi Meloneras er óneitanlegur. Á suðausturhluta eyjunnar er þessi fallegi staður þar sem flottar verslanir framúrskarandi veitingastaðir og gullfallegar strendur standa fyrir sínu. Hótelin eru glæsileg og mikið er um lúxus fjölskylduhótel þar sem allir í fjölskyldunni finna eitthvað við sitt hæfi.

Maspalomas

Maspalomas er vel þekkt nafn vegna fallega vitans El Faro við enda strandarinnar og fallegu sandhólanna sem liggja að bænum. Maspalomas er rólegri en Playa del Ingles. Þar eru verslanir með merkjavöru og fyrsta flokks veitingastaðir, margir staðsettir við fallega ströndina. Falleg strandgatan er með verslunum, kokteilbörum og veitingastöðum, skemmtilegt er að ganga eftir henni að degi jafnt sem kvöldi.