Golfgleði Golfskálans á Villaitana

Golfgleðin er sérstaklega hugsuð fyrir þá sem vilja fleiri mót og eru óhræddir við að láta hrista aðeins uppí röðun í holl.

Golfskálinn hefur undanfarin ár boðið reglulega upp á Golfgleðina við miklar vinsældir. Hugmyndin kom til í spjalli með farþegum þar sem rætt var um möguleikan á að bjóða upp á ferð sem væri með meira af golfmótum. Þó þannig að markmiðið væri alltaf að hafa mótin á léttu nótunum og þannig aðgengileg og spennandi fyrir sem flesta.

Golfgleðin vorið 2021 verður að þessu sinni á Villaitana 22.04 – 03.05. Ellefu daga veisla sem þú vilt ekki missa af!!

Villaitana Golf – Vellirnir

Smelltu á myndirnar til að skoða þær stærri.

Golfvellirnir sem eru hannaðir af Jack Nicklaus eru 2, LEVANTE par 72 og PONIENTE par 62. Levante völlurinn svipar til links vallar að sumu leyti, mikil af glompum en þó ekki þykka grasið sem víða er á links völlunum. Poniente er blanda af par 3 og 4 brautum og virkilega vel heppnaður. Liggur í dal sem gefur brautunum mikið landslag og reynir á leikskipulag ef á að skora hann vel þrátt fyrir að vera ekki mjög langur.

  • Hótelið er staðsett við golfvellina.
  • Val um ólíka veitingastaði á hóteli
  • Örstutt niður á Benidorm með baðströndum, veitingastöðum, verslunum og fjörugu næturlífi.
  • 40 mínútna fjarlægð frá flugvellinum.

VILLAITANA MELIA HÓTELIÐ

Hótelið er staðsett við golfvöllinn

Villaitana þekkja margir íslenskir kylfingar sem hafa leikið golf á Alicante svæðinu. Upphaflega sem Real de Faula og undanfarin ár sem Villaitana. Melia hótelkeðjan rekur hótelið sem er byggt upp eins og lítið þorp í Miðjarðarhafsstíl. Herbergin eru rúmgóð með svölum eða verönd og öllum helstu þægindum. Á hótelinu er úrval veitingastaða auk þess að úrval veitingastaða á Benidorm er mikið.

Örstutt í Benidorm

Frá Villaitana er örstutt niður á Benidorm með baðströndum, veitingastöðum, verslunum og fjörugu næturlífi.

Val um kvöldmáltíð

Val er um að bóka ferð með eingöngu morgunmat eða með morgun og kvöldmat. Reynslan er að flestir okkar farþega kjósa að bóka einungis með morgunmat og nýta sér að það eru fleiri en einn veitingastaður á hótelinu auk þess að það er örstutt að skreppa niður á Benidorm þar sem er að finna mjög mikið úrval veitingastaða.

Heimasíða Hótelsins

Herbergi og aðstaða:

Smelltu á myndirnar til að skoða þær stærri.

Verðlisti vor 2021
DagsetningFlug útFlug heimFæðiTvíbýli EinbýliBÓKA
22.04 - 03. maí08:50/15:1016:10/18:40Morgunmatur269.900 kr.329.900 kr.BÓKA NÚNA
11 nætur / 11 golfd.IcelandairIcelandairMorgun og kvöldmatur314.900 kr.374.900 kr.BÓKA NÚNA
Innifalið í verði ferðar
  • Beint flug til og frá Alicante með Icelandair.
  • Flugvallarskattar.
  • Íslensk fararstjórn.
  • Ferðataska 23 kg, golfsett 15 kg, handfarangur 10 kg.
  • Gisting með morgunverði (og kvöldverði fyrir þá sem það kjósa).
  • Akstur til og frá Alicante flugvelli (á ekki við um sérbókanir sem eru á öðrum tímum en okkar uppsettu ferðir).
  • Ótakmarkað golf.(Seinni hring samdægurs er ekki hægt að bóka fyrirfram og er háður því að það sé laus rástími.)
  • Golfbíll kostar 36€ á hring, (18€ á mann ef tveir deila bíl). Kerran kostar 6€. Golfbíll er innifalinn á Poniente vellinum.
  • Golf alla daga nema komudag, (nema annað sé tekið fram).
  • Ath. Ekki er mögulegt að innrita sig í flug með Icelandair á vefnum. Fyrir sætapantanir í almenn sæti og betri sæti er hægt að hafa samband við golfskálann í síma 578-0120 eða senda póst á travel(at)golfskalinn.is.
    Verð í betri sæti 9.900 kr., sæti við neyðarútgang 3.500 kr. og almennt sæti kr. 1.450 kr., hver leggur. Betri sæti eru fremst í vélinni og aðeins tvö sæti í röð (Business Class – ath. þó að ekki er um „Business Class“ þjónustu að ræða).
  • Ekki er hægt að nýta vildarpunkta Icelandair í þessar ferðir þar sem um er að ræða leiguflug með Icelandair.
Allar ferðir / Verðlistar / Panta ferð

Benidorm

Benidorm hefur verið einn vinsælasti ferðamannastaður á Spáni frá 1922 þegar höfnin var stækkuð og fyrstu hótelin byggð. Það má svo segja að það hafi orðið sprenging í ferðamannaiðnaðinum eftir 1950 þegar Benidorm varð vinsæll hjá innfæddum og þá sérstaklega Madridarbúum. Í dag er Benidorm þekkt fyrir ferðamannaiðnaðinn, strandlíf og háhýsi og má segja að fólk flykkist til Benidorm til að njóta strandlífsins.

Meðalhitastig mælist 24 gráður yfir árið. Yfir vetrarmánuði er sjaldgæft að hiti fari niður fyrir fimmtán gráður en sumrin eru mjög heit og er meðalhiti þá 33 gráður.

Fyrir ferðir til og frá Benidorm er einfaldast að taka leigubíl. Ef það er áhugi á að skjótast til Alicante borgarinnar þá er hægt að taka lest/sporvagn í Benidorm. Bílaleigubílar eru gjarnan hagstæðir í leigu, hægt að fá aðstoð á hótelinu til að leigja bíl.

Mikið úrval veitingastaða er á Benidorm og ættu allir að finna eitthvað við sitt hæfi.

Gott ráð er að spyrja starfsfólk hótelsins varðandi hvaða staðir eru að fá bestu dóma hverju sinni. Einnig má skoða Tripadvisor og sjá hverju þeir mæla með.

Gott úrval verslana er á Benidorm svæðinu, allt frá ódýrum kínamörkuðum til fínnar merkjavöru. Einnig er vinsælt að fara í La Marina „mollið“ sem er c.a. 5 mín með leigubíl frá hótelinu. Þar er að finna allra þessar helstu verslanir sem flestir eru að leita að.

Aðalstaðurinn fyrir næturlífið er “the strip of Levante Beach Boulevard“ sem liggur meðfram ströndinn, torgið hjá Avenida Mallorca, gamli bærinn Benidorm og svo eru stórir skemmtistaðir á aðalgötunni rétt utan við Benidorm sem liggur í áttina að Valencia.