hinar sívinsælu golfferðir fyrir heldri kylfinga
Það er ekkert aldurstakmark í þessar ferðir en flestir eru 65+. Það er aðeins rólegra “tempó” í þessum ferðum og flestir kjósa að vera í 12-16 daga. Margir farþegar í þessum ferðum sjá þetta ekki bara sem golfferð heldur líka sem afslöppun og taka því 1-3 frídaga frá golfi inn á milli, (sem kemur þá til lækkunar á verði ferðarinnar).
FRÁBÆR VALKOSTUR Á ALICANTE SVÆÐINU
Bonalba er hannaður af D. Ramon Espinosa, þekktum spænskum golfvallarhönnuði sem er talinn einn af betri golfvallahönnuðum í Evrópu. Við golfvöllinn er mjög gott 4ra stjörnu hótel sem farþegar okkar gista á. Herbergin eru öll búinn helstu þægindum til að gera fríið sem best.
Á Bonalba er ávallt morgunverður innifalinn og svo er val um kvöldverð, drykki með kvöldverð eða alla drykkir frá kl. 17:00 – 23:00.
Bonalba er vel staðsett og í boði er að spila á vinavöllum okkar Font Del Lloop eða Alenda fyrir aðeins 35€ aukalega og þá er golfbíll innifalinn.
- Hótelið er staðsett við golfvöllinn.
- 30 mínútna fjarlægð frá flugvellinum
- 20 mínútna fjarlægð frá miðborg Alicante
- 10 mínútna fjarlægð frá strönd.
- Stór sundlaugargarður
- Vinavellir
Smelltu á myndirnar til að skoða þær stærri og flettu svo með örvatökkunum.
Bonalba golfvöllurinn, par 72, gulir teigar: 6.096 m, rauðir teigar: 5.329 m, liggur í skemmtilegu landslagi umhverfis Bonalba hótelið. Þrátt fyrir að það sé töluvert landslag í vellinum þá er hann alls ekki erfiður að ganga. Flatirnar eru nokkuð stórar eins og gerist og gengur á flestum spænskum völlum og þrátt fyrir að það sé ekki mikið landslag í flötunum þá getur verið kúnst að lesa þær rétt. Við klúbbhúsið eru góðar púttflatir til að hita upp aðalkylfuna fyrir leikinn, einnig er hægt að slá í net við hliðina á fyrsta teig.
Farþegum Golfskálans býðst gegn aukagjaldi að leika einstaka daga á Alenda eða Font Del Llop, 30 mínútna fjarlægð frá Bonalba. Ef áhugi er á því best að láta vita fyrir brottför svo hægt sé að afpanta golfið á Bonalba og kanna með rástíma.
Hótel Bonalba ****
Öll herbergin eru með svölum, öryggishólfi, loftkælingu og sjónvarpi. Á jarðhæð hótelsins er veitingastaður, sportbar, heilsulind með þurrgufu, (sauna), blautgufu, (steambath), og innisundlaug með nuddstútum. Aðgangur er innifalinn í verði ferða, en greiða þarf sérstaklega fyrir nudd og dekur meðferðir. Fyrir utan hótelið er svo stór sundlaugargarður með góðri aðstöðu til slökunar í sólinni.
Góð staðsetning
Hótelið og völlurinn eru í aðeins 30 mínútna fjarlægð frá flugvellinum og 20 mínútna fjarlægð frá miðborg Alicante.
Heimasíða Hótel BonalbaHerbergi og aðstaða:
Smelltu á myndirnar til að skoða þær stærri og flettu svo með örvatökkunum.
| Dagsetning | Flug út | Flug heim | Fæði | Tvíbýli | Einbýli | BÓKA |
|---|---|---|---|---|---|---|
| 07.10 - 18.10 | 08:50/15:10 | 16:10/18:40 | Morgunverður | 269.900 kr. | 309.900 kr. | BÓKA NÚNA |
| 11 nætur / 10 golfd. | Icelandair | Icelandair | Mv. og kvöldverður | 297.900 kr. | 344.900 kr. | |
| Golfbíll innifalinn | Mv. og kvöldv. m/drykkjum | 308.900 kr. | 356.900 kr. | |||
| Frádráttur ef ekki golf | kr. 7.000 per dag | Mv. og kvöldv. drykkir 17-23:00 | 349.900 kr. | 397.900 kr. | ||
| 07.10 - 21.10 | 08:50/15:10 | 16:10/18:40 | Morgunverður | 319.900 kr. | 371.900 kr. | BÓKA NÚNA |
| 14 nætur / 13 golfd. | Icelandair | Icelandair | Mv. og kvöldverður | 354.900 kr. | 414.900 kr. | |
| Golfbíll innifalinn | Mv. og kvöldv. m/drykkjum | 368.900 kr. | 429.900 kr. | |||
| Frádráttur ef ekki golf | kr. 7.000 per dag | Mv. og kvöldv. drykkir 17-23:00 | 421.900 kr. | 479.900 kr. |
Með drykkjum með kvöldverði er átt við vatn, gos, bjór af dælu og hús vín.
Með öllum drykkjum frá 17:00-23:00 er átt við úrval innlendra drykkja af barnum.
- Beint flug til og frá Alicante með Icelandair.
- Flugvallarskattar
- Íslensk fararstjórn
- Handfarangur 10 kg. ferðataska 23 kg. og golfsett 15 kg.
- Gisting með morgunverði. Val um að taka kvöldverð, kvöldverð með drykkjum* eða kvöldverð og alla drykki** frá kl. 17:00-23:00.
* Með drykkjum með kvöldverði er átt við vatn, gos, bjór af dælu og hús vín.
** Með öllum drykkjum frá 17:00-23:00 er átt við úrval innlendra drykkja af barnum. - Akstur til og frá Alicante flugvelli (á ekki við um sérbókanir sem eru á öðrum tímum en okkar uppsettu ferðir).
- Ótakmarkað golf, (háð því að það sé lausir rástímar).
- Afsláttur ef ekki golf er kr. 7.000 per dag.
- Golfbíll er innifalinn.
- ATH. Golf á komu og brottfarardegi er ekki innifalið nema það sé sérstaklega tekið fram.
- Ath. Ekki er mögulegt að innrita sig í flug með Icelandair á vefnum. Fyrir sætapantanir í almenn sæti og betri sæti er hægt að hafa samband við golfskálann í síma 578-0120 eða senda póst á travel(at)golfskalinn.is.
Verð í betri sæti 14.900 kr., sæti við neyðarútgang 3.500 kr. og almennt sæti kr. 1.450 kr., hver leggur. Betri sæti eru fremst í vélinni og aðeins tvö sæti í röð (Business Class – ath. þó að ekki er um „Business Class“ þjónustu að ræða). - Ekki er hægt að nýta vildarpunkta Icelandair í þessar ferðir þar sem um er að ræða leiguflug með Icelandair.
Farþegum býðst að spila aðra velli í sömu ferð. Margir vilja breyta til að taka 1-2 daga á öðrum völlum í nágrenninu. Vinavellir okkar eru, Alenda og Font del Llop. Það er best að bóka golf á öðrum völlum vel fyrir brottför eða með minnst 4 daga fyrirvara, þá er aukakostnaður aðeins 35€ og þá er golfbíll innifalinn. Ferðir milli golfvalla eru á kostnað farþega.
Vinavellir
Font Del Llop
Amerísk hönnun, skoskt landslag. Völlurinn er hannaður af Blake Stirling og Marco Martín. Völlurinn er í dal, vatn og lítil á tengir fimm tjarnir og gerir allt umhverfi einstaklega notalegt og friðsælt. Font Del Llop er 18 holur, 6.313 metrar, gott æfingasvæði og klúbbhús.
Alenda
Alenda golfvöllurinn er hannaður af Roland Favrat með fullri virðingu fyrir upprunalegu landslagi og náttúrulegum gróðri. Alenda er 18 holur, par 72 og 6.257 metrar að lengd, þar er einnig gott æfingasvæði og klúbbhús.
Alicante
Alicante borg í Valensíu á Spáni er mörgum íslendingum kunn. Reglulegar flugsamgöngur milli Íslands og Alicante hafa verið í áratugi sem hefur gert Alicante einn helsta flugáfangastað íslendinga á Spáni.
Alicante er falleg borg sem hefur upp á margt að bjóða og við mælum eindregið með því að okkar farþegar á Alicante svæðinu heimsæki borgina. Rölti um gamla bæinn, kíki í verslanir og prófi einhverja af fjölda frábærra veitingastaða. Helsta kennileyti borgarinnar er Santa Barbara kastalinn sem gnæfir yfir borginni. Hægt er að taka lyftu upp í kastalann frá ströndinni og ganga svo niður virkisvegginn niður í gamla bæinn og enda niður við smábátahöfnina.
Meðalhitastig í Alicante mælist 24 gráður yfir árið. Yfir vetrarmánuði er sjaldgæft að hiti fari niður fyrir fimmtán gráður en sumrin eru mjög heit og er meðalhiti þá 33 gráður.
Strætisvagnar ganga reglulega um Alicante borg en borgin er í sjálfu sér ekki ýkja stór í sniðum. Dvöl þar og reglulegar léttar gönguferðir í tvo, þrjá daga ættu að duga til að skoða allt það markverðasta sem borgin hefur upp á að bjóða.
Sé vilji eða þörf til að skoða borgina í þaula er ráð að grípa næsta vagn. Subus Tam heitir strætisvagnafyrirtæki borgarinnar og einar sextán mismunandi leiðir í boði innan borgarmarkanna og nokkrir fara til nágrannaborga og bæja. Getur það verið fínasta skemmtun einn daginn að taka vagn í næsta sveitabæ til fjalla ef sá gállinn er á fólki. Miðaverð í strætó innan borgarmarkanna kostar u.þ.b.200 krónur.
Þá er hér alveg ágætt léttlestakerfi, Tram Metropolitano de Alicante, en þar eru einar fimm leiðir í boði. Leiðakort hér.
Fínlistasafnið (Museo Bellas Artes Gravina).
Fornleifasafnið (Museo Arqueológico Provincial de Alicante).
Asegurada safnið (Casa de la Asegurada).
Santa Bárbara kastalinn (Castillo de Santa Bárbara). Í kastalanum er safn tileinkað höggmyndalistamanninum Eduardo Capa.
Kirkja heilagrar Maríu (La Basilica de Santa María). Plaza de Santa Maria torg.
Vatnssafnið (Museo de Aguas de Alicante) – Hvaðan fá borgarbúar vatnið má sjá á þessu safni. Plaza Arquitecto Miguel Lopez.
Ráðhúsið (Ayuntamiento).
Mikið úrval veitingastaða er í borginni og ættu allir að finna eitthvað við sitt hæfi.
Gott ráð er að spyrja starfsfólk hótelana varðandi hvaða staðir eru að fá bestu dóma hverju sinni. Einnig má skoða Tripadvisor og sjá hverju þeir mæla með.
El Barrio, elsta hverfi borgarinnar, er vinsælast meðal ferðamanna. Fjöldi verslana finnst við Römblu Alicante, La Rambla, og í götum út frá henni. Auk stórverslunar El Corte Inglés eru hér tvær aðrar slíkar miðstöðvar, Plaza Mar 2 og Gran Vía, þar sem finna má fjölda verslana undir sama þaki. Sú síðastnefnda finnst í norðausturhluta borgarinnar við samnefnda götu.
Markaðir eru hér reglulega en sá frægasti þeirra, Esplanada de España, er aðeins haldinn í miðborginni við sjávarsíðuna og jafnan aðeins yfir sumartímann meðan fjöldi ferðamanna er nægur. Ágætt úrval ýmissa vara en verðin taka mið af áhuga ferðamanna og erfitt að gera sannarlega góð kaup. Þá er fínt úrval í Miðbæjarmarkaðnum, Mercado Central, þar sem sælkerar finna góðgæti á tveimur hæðum, opið 07:00-14:00.
