Golfskálinn verður með áramótaferð til Alicante Golf

Það er almennt gott veður á Alicante svæðinu yfir vetrartímann.
Í desember er meðalhiti í Alicante 18° Getur verið kalt á nóttunni en virkilega notalegt í sólinni á daginn. Þeir sem þekkja til segja gjarnan að veðrið sé eins og virkilega gott íslenskt golfveður. 

Við bjóðum 7, 10, 11 og 14 nátta áramótaferðir til Alicante Golf, frá 21., 24. eða 28. desember 2019 til 4., 7. eða 11. janúar 2020. „Gala“ kvöldverður og áramótaskemmtun á gamlárskvöldi er innifalin í verði ferðar.

Eftir vel heppnaðar ferðir um síðustu áramót þá er okkur farið að hlakka til næstu áramóta.
Alicante Golf - Áramótaferðir - Verðlisti

Dagsetning Flug út Flug heimFæðiTvíbýliEinbýli
28. des – 7. jan
(10 nætur / 8 golfdagar)
13:45 / 19:1509:00 / 13:00Morgunverður209.900 kr.244.900 kr.Hafið samband
28. des – 4. jan
(7 nætur / 5 golfdagar)
13:45 / 19:1509:00 / 13:00Morgunverður179.900 kr.204.900 kr.UPPSELT
21. des – 4. jan
(14 nætur / 11 golfdagar)
13:45 / 19:1509:00 / 13:00Morgunverður254.900 kr.309.900 kr.UPPSELT
24. des – 4. jan
(11 nætur / 8 golfdagar)
13:45 / 19:1509:00 / 13:00Morgunverður214.900 kr.254.900 kr.Hafið samband
28. des – 11. jan
(14 nætur / 11 golfdagar)
13:45 / 19:1509:00 / 13:00Morgunverður254.900 kr.309.900 kr.Hafið samband

Í boði eru ferðir með morgunmat auk Gala-kvöldverðar og skemmtunar á gamlárskvöld sem er innifalin í ferðum. Rástímar eru fráteknir milli kl. 09-12 alla daga utan Jóladags og Nýársdags en það eru einu 2 dagar ársins sem völlurinn er lokaður. Ef farþegar hafa áhuga á að komast í golf þá daga er best að senda fyrirspurn á travel@golfskalinn.is

Innifalið í verði ferðar
  • Beint flug til og frá Alicante með Norwegian
  • Flugvallarskattar
  • Farangur: handfarangur, ferðataska og golfsett
  • Gisting með morgunverði (hægt að bæta við kvöldmat)
  • Akstur til og frá Alicante flugvelli
  • 18 holur hvern golfdag, 25 evrur greiðast fyrir aukahring og þá er golfbíll innifalinn.
    Alicante Golf völlurinn er lokaður 2 daga á ári, 25. desember og 1. janúar. Við getum mögulega útvegað golf þá daga gegn aukagreiðslu.
  • Golfbíll fyrstu 18 holur hvern golfdag
  • Gala-kvöldverður og skemmtun á gamlárskvöld
  • Fararstjórn frá Golfskálanum milli 28.12 – 11.01.

Alicante Golf er hannaður af snillingnum Severiano Ballesteros

Völlurinn er skemmtilega uppsettur með jafnmörgum par 3, 4 og 5 holum sem gerir völlinn sérlega skemmtilegan og fjölbreytilegan. Golfbílar eru innifaldir fyrstu 18 holur hvers dags. Aðstaða til æfinga er mjög góð. Púttflöt, vipp aðstaða, glompur og flesta daga ársins slegið af grasi á æfingasvæðinu. Alla morgna eru golfbílar fráteknir og tilbúnir fyrir okkar farþega í bílakjallara hótelsins sem eykur þægindin enn frekar.

  • Hótelið er staðsett við golfvöllinn.
  • 20 mínútna fjarlægð frá flugvellinum
  • 10 mínútna fjarlægð frá miðborg Alicante
  • Baðströnd í göngufæri.
  • Stutt er í matvörumarkað, apótek o.fl.

Smelltu á myndirnar til að skoða þær stærri.

Hótel Alicante Golf

Hótelið er staðsett við golfvöllinn

Öll herbergin eru með svölum nema á jarðhæð með verönd, öryggishólfi og sjónvarpi. Á jarðhæð hótelsins er heilsulind með þurrgufu, (sauna), blautgufu, (steambath), og innisundlaug með nuddstútum. Greiða þarf sérstaklega fyrir aðgang að heilsulindinni auk nudd og dekur meðferða. Fyrir utan hótelið er svo sundlaug með aðstöðu til slökunar í sólinni.

Stutt í „allt“

Hótelið og völlurinn eru í aðeins 20 mínútna fjarlægð frá flugvellinum og 10 mínútna fjarlægð frá miðborg Alicante og baðströndin í San Juan er í göngufæri við hótelið. Stutt er í matvörumarkað, apótek o.fl.

Val um kvöldmáltíð

Okkar farþegar geta valið um það hvort þeir kaupa morgunmat eða bæta kvöldmatnum við. Þeir sem kjósa að hafa ekki kvöldmat inni í pakkanum geta valið um ýmsa veitingastaði í næsta nágrenni við hótelið eða skroppið niður í miðbæ þar sem mjög mikið úrval er af veitingahúsum.

Heimasíða Hotel Alicante Golf

Herbergi og aðstaða:

Smelltu á myndirnar til að skoða þær stærri.

Skoða Verðlista allar ferðir / Panta ferð

Alicante

Alicante borg í Valensíu á Spáni er mörgum íslendingum kunn. Reglulegar flugsamgöngur milli Íslands og Alicante hafa verið mörg undanfarin ár sem hefur gert Alicante einn helsta flugáfangastað íslendinga á Spáni.

Alicante er falleg borg sem hefur upp á margt að bjóða og við mælum eindregið með því að okkar farþegar á Alicante svæðinu heimsæki borgina. Rölti um gamla bæinn, kíki í verslanir og prófi einhverja af fjölda frábærra veitingastaða. Helsta kennileyti borgarinnar er Santa Barbara kastalinn sem gnæfir yfir borginni. Hægt er að taka lyftu upp í kastalann frá ströndinni og ganga svo niður virkisvegginn niður í gamla bæinn og enda niður við smábátahöfnina.

Meðalhitastig í Alicante mælist 24 gráður yfir árið. Yfir vetrarmánuði er sjaldgæft að hiti fari niður fyrir fimmtán gráður en sumrin eru mjög heit og er meðalhiti þá 33 gráður.

Strætisvagnar ganga reglulega um Alicante borg en borgin er í sjálfu sér ekki ýkja stór í sniðum. Dvöl þar og reglulegar léttar gönguferðir í tvo, þrjá daga ættu að duga til að skoða allt það markverðasta sem borgin hefur upp á að bjóða.

Sé vilji eða þörf til að skoða borgina í þaula er ráð að grípa næsta vagn. Subus Tam heitir strætisvagnafyrirtæki borgarinnar og einar sextán mismunandi leiðir í boði innan borgarmarkanna og nokkrir fara til nágrannaborga og bæja. Getur það verið fínasta skemmtun einn daginn að taka vagn í næsta sveitabæ til fjalla ef sá gállinn er á fólki. Miðaverð í strætó innan borgarmarkanna kostar Stakur miði í strætisvagn innan borgarinnar kostar 200 krónur.

Þá er hér alveg ágætt léttlestakerfi, Tram Metropolitano de Alicante, en þar eru einar fimm leiðir í boði. Leiðakort hér.

Fínlistasafnið (Museo Bellas Artes Gravina).

Fornleifasafnið (Museo Arqueológico Provincial de Alicante).

Asegurada safnið (Casa de la Asegurada).

Santa Bárbara kastalinn (Castillo de Santa Bárbara). Í kastalanum er safn tileinkað höggmyndalistamanninum Eduardo Capa.

Kirkja heilagrar Maríu (La Basilica de Santa María). Plaza de Santa Maria torg.

Vatnssafnið (Museo de Aguas de Alicante) – Hvaðan fá borgarbúar vatnið má sjá á þessu safni. Plaza Arquitecto Miguel Lopez.

Ráðhúsið (Ayuntamiento).

Mikið úrval veitingastaða er í borginni og ættu allir að finna eitthvað við sitt hæfi.

Gott ráð er að spyrja starfsfólk hótelana varðandi hvaða staðir eru að fá bestu dóma hverju sinni. Einnig má skoða Tripadvisor og sjá hverju þeir mæla með.

El Barrio, elsta hverfi borgarinnar, er vinsælast meðal ferðamanna. Fjöldi verslana finnst við Römblu Alicante, La Rambla, og í götum út frá henni. Auk stórverslunar El Corte Inglés eru hér tvær aðrar slíkar miðstöðvar, Plaza Mar 2 og Gran Vía, þar sem finna má fjölda verslana undir sama þaki. Sú síðastnefnda finnst í norðausturhluta borgarinnar við samnefnda götu.

Markaðir eru hér reglulega en sá frægasti þeirra, Esplanada de España, er aðeins haldinn í miðborginni við sjávarsíðuna og jafnan aðeins yfir sumartímann meðan fjöldi ferðamanna er nægur. Ágætt úrval ýmissa vara en verðin taka mið af áhuga ferðamanna og erfitt að gera sannarlega góð kaup. Þá er fínt úrval í Miðbæjarmarkaðnum, Mercado Central, þar sem sælkerar finna góðgæti á tveimur hæðum.