fbpx

Golfgleðin á Alicante Golf að hefjast

Þá er Golfgleði Golfskálans að hefjast á Alicante Golf. Um 70 kylfingar taka nú þátt í gleðinni og er þetta fjölmennasta gleðin okkar hingað til en alls höfum við sett upp 9 svona ferðir undanfarin ár.

Fyrsta mót ferðarinnar verður á morgun og svo verða haldin mót annan hvern dag. Gleðin endar svo með lokahófi á veitingastaðnum Petímetre.

Golfgleðin er sérstaklega hugsuð fyrir þá sem vilja fleiri mót og eru óhræddir við að láta hrista aðeins upp í röðun í holl.

Golfskálinn hefur undanfarin ár boðið reglulega upp á Golfgleðina við miklar vinsældir. Hugmyndin kom til í spjalli með farþegum, einmitt á Alicante Golf, þar sem rætt var um möguleikan á að bjóða upp á ferð sem væri með meira af golfmótum. Þó þannig að markmiðið væri alltaf að hafa mótin á léttu nótunum og þannig aðgengileg og spennandi fyrir sem flesta.