Bonalba er hannaður af D. Ramon Espinosa

Bonalba er hannaður af D. Ramon Espinosa, þekktum spænskum golfvallarhönnuði sem er talinn einn af betri golfvallahönnuðum í evrópu. Við golfvöllinn er mjög gott 4 stjörnu hótel sem farþegar okkar gista á. Herbergin eru öll búinn helstu þægindum til að gera fríið sem best.

Bonalba er í tæplega 30 mín. akstursfjarlægð frá flugvellinum í Alicante og aðeins 20 mín frá miðborg Alicante. Innifalið á Bonalba er morgun og kvöldmatur.

  • Hótelið er staðsett við golfvöllinn.
  • 30 mínútna fjarlægð frá flugvellinum
  • 20 mínútna fjarlægð frá miðborg Alicante
  • Morgun- og kvöldmatur innifalin í verði.
  • Hægt að hafa alla drykki innifalda frá 17-23

Smelltu á myndirnar til að skoða þær stærri.

Bonalba golfvöllurinn, par 72, liggur í skemmtilegu landslagi umhverfis Bonalba hótelið. Þrátt fyrir að það sé töluvert landslag í vellinum þá er hann alls ekki erfiður að ganga. Flatirnar eru nokkuð stórar eins og gerist og gengur á flestum af þessum spænsku völlum og þrátt fyrir að það sé ekki mikið landslag í flötunum þá getur verið kúnst að lesa þær rétt. Við klúbbhúsið eru góðar púttflatir til að hita upp aðalkylfuna fyrir leikinn, einnig er hægt að slá í net við hliðina á fyrsta teig. Framkvæmdir standa yfir sumarið 2017 við byggingu stutta spils æfingasvæðis rétt við klúbbhúsið og er reiknað með opnun í lok september 2017. Þorum þó ekki að lofa því að það náist.

Eins og áður býðst farþegum Golfskálans að leika einstaka daga á Alicante Golf, innan við korter frá Bonalba. Ef áhugi er á því þarf að láta vita fyrir brottför svo hægt sé að afpanta golfið á Bonalba og kanna með rástíma á Alicante Golf.

Hótel Bonalba Golf Resort

Hótelið er staðsett við golfvöllinn

Öll herbergin eru með svölum, öryggishólfi, loftkælingu og sjónvarpi. Á jarðhæð hótelsins er heilsulind með þurrgufu, (sauna), blautgufu, (steambath), og innisundlaug með nuddstútum. Aðgangur er innifalinn í verði ferða, en greiða þarf sérstaklega fyrir nudd og dekur meðferðir. Fyrir utan hótelið er svo sundlaug með góðri aðstöðu til slökunar í sólinni.

Góð staðsetning

Hótelið og völlurinn eru í aðeins 30 mínútna fjarlægð frá flugvellinum og 20 mínútna fjarlægð frá miðborg Alicante.

Heimasíða Bonalba Golf

Herbergi og aðstaða:

Smelltu á myndirnar til að skoða þær stærri.

Verð ferða og innifalið
Dagsetning Flug út Flug heimFæðiEinbýliTvíbýli
3.10. - 10.10. (7 nætur)06:25 / 13:0014:00 / 16:45Morgun- og kvöldm.188.900 kr.168.900 kr.UPPSELT
3.10. - 13.10. (10 nætur)06:25 / 13:0015:35 / 18:20Morgun- og kvöldm.234.900 kr.209.900 kr.BÓKA FERÐ
  • Beint leiguflug með Primera Air til og frá Alicante
  • Flugvallarskattar
  • Flutningur á golfsettum
  • Handfarangur 10 kg. ferðataska 20 kg. og golfsett 15 kg.
  • Gisting með morgun- og kvöldverði
  • Akstur til og frá Alicante flugvelli
  • Ótakmarkað golf
  • Golfbíll kostar 20 evrur fyrir 18 holur, (10 evrur á mann ef tveir deila bíl). Betra er að bóka golfbíl fyrir ferð
  • ATH. Golf á komu og brottfarardegi er ekki innifalið nema það sé sérstaklega tekið fram
Bonalba og Alicante Golf í sömu ferðinni

Farþegum býðst að setja saman þessa tvo staði í sömu ferðinni. T.d. byrja í nokkra daga á Bonalba og færa sig svo yfir á Alicante Golf og klára ferðina þar.
Nánari upplýsingar með því að senda póst á travel@golfskalinn.is

Rástímar Bonalba haust 2017

04. okt. kl. 09:52
05. okt. kl. 10:24
06. okt. kl. 08:16
07. okt. kl. 10:32
08. okt. kl. 08:16
09. okt. kl. 10:24
10. okt. kl. 08:08
11. okt. kl. 12:48
12. okt. kl. 08:00

Skoða verðlista allra ferða / Panta ferð

Alicante

Alicante borg í Valensíu á Spáni er mörgum íslendingum kunn. Reglulegar flugsamgöngur milli Íslands og Alicante hafa verið mörg undanfarin ár sem hefur gert Alicante einn helsta flugáfangastað íslendinga á Spáni. 

Alicante er falleg borg sem hefur upp á margt að bjóða og við mælum eindregið með því að okkar farþegar á Alicante svæðinu heimsæki borgina. Rölti um gamla bæinn, kíki í verslanir og prófi einhverja af fjölda frábærra veitingastaða. Helsta kennileyti borgarinnar er Santa Barbara kastalinn sem gnæfir yfir borginni. Hægt er að taka lyftu upp í kastalann frá ströndinni og ganga svo niður virkisvegginn niður í gamla bæinn og enda niður við smábátahöfnina.

Meðalhitastig í Alicante mælist 24 gráður yfir árið. Yfir vetrarmánuði er sjaldgæft að hiti fari niður fyrir fimmtán gráður en sumrin eru mjög heit og er meðalhiti þá 33 gráður.

Strætisvagnar ganga reglulega um Alicante borg en borgin er í sjálfu sér ekki ýkja stór í sniðum. Dvöl þar og reglulegar léttar gönguferðir í tvo, þrjá daga ættu að duga til að skoða allt það markverðasta sem borgin hefur upp á að bjóða.

Sé vilji eða þörf til að skoða borgina í þaula er ráð að grípa næsta vagn. Subus Tam heitir strætisvagnafyrirtæki borgarinnar og einar sextán mismunandi leiðir í boði innan borgarmarkanna og nokkrir fara til nágrannaborga og bæja. Getur það verið fínasta skemmtun einn daginn að taka vagn í næsta sveitabæ til fjalla ef sá gállinn er á fólki. Miðaverð í strætó innan borgarmarkanna kostar Stakur miði í strætisvagn innan borgarinnar kostar 200 krónur.

Þá er hér alveg ágætt léttlestakerfi, Tram Metropolitano de Alicante, en þar eru einar fimm leiðir í boði. Leiðakort hér.

Fínlistasafnið (Museo Bellas Artes Gravina).

Fornleifasafnið (Museo Arqueológico Provincial de Alicante).

Asegurada safnið (Casa de la Asegurada).

Santa Bárbara kastalinn (Castillo de Santa Bárbara). Í kastalanum er safn tileinkað höggmyndalistamanninum Eduardo Capa.

Kirkja heilagrar Maríu (La Basilica de Santa María). Plaza de Santa Maria torg.

Vatnssafnið (Museo de Aguas de Alicante) – Hvaðan fá borgarbúar vatnið má sjá á þessu safni. Plaza Arquitecto Miguel Lopez.

Ráðhúsið (Ayuntamiento).

Mikið úrval veitingastaða er í borginni og ættu allir að finna eitthvað við sitt hæfi.

Gott ráð er að spyrja starfsfólk hótelana varðandi hvaða staðir eru að fá bestu dóma hverju sinni. Einnig má skoða Tripadvisor og sjá hverju þeir mæla með.

El Barrio, elsta hverfi borgarinnar, er vinsælast meðal ferðamanna. Fjöldi verslana finnst við Römblu Alicante, La Rambla, og í götum út frá henni. Auk stórverslunar El Corte Inglés eru hér tvær aðrar slíkar miðstöðvar, Plaza Mar 2 og Gran Vía, þar sem finna má fjölda verslana undir sama þaki. Sú síðastnefnda finnst í norðausturhluta borgarinnar við samnefnda götu.

Markaðir eru hér reglulega en sá frægasti þeirra, Esplanada de España, er aðeins haldinn í miðborginni við sjávarsíðuna og jafnan aðeins yfir sumartímann meðan fjöldi ferðamanna er nægur. Ágætt úrval ýmissa vara en verðin taka mið af áhuga ferðamanna og erfitt að gera sannarlega góð kaup. Þá er fínt úrval í Miðbæjarmarkaðnum, Mercado Central, þar sem sælkerar finna góðgæti á tveimur hæðum.