Tökum Gjafabréf frá öðrum

Við viljum minna kylfinga á að við í Golfskálanum höfum frá upphafi tekið við gjafabréfum og inneignarnótum frá öðrum golfverslunum, (þó ekki öllum verslunum). Það sem átt er við er að ef þú átt gjafabréf og/eða inneignarnótu hjá annari golfverslun þá getur þú nýtt það hjá okkur. Af hverju gerum við þetta kann einhver að spyrja? Jú ástæðurnar eru tvær.

Oft gerist það að kylfingar eignast gjafabréf frá fleiri en einni golfverslun. Þá gerist það stundum að gjafakortin nýtast ekki eins vel og ef þau væru öll frá sömu verslun. Við sjáum þetta þá sem þjónustu við kylfinga, að geta safnað saman gjafabréfum og inneignarnótum og nýtt það á einum og sama staðnum.
Hin ástæðan er einfaldlega sú að við viljum fá kylfinga til okkar. Við trúum því að ef kylfingur kemur einu sinni til okkar í Golfskálann þá kemur hann aftur. Við viljum svo árétta að gjafakort sem útgefin eru af Golfskálanum gilda bæði til kaupa á golfvörum í Golfskálanum og til innborgunar á golfferðum á okkar vegum.